Артур Леклер, помладиот брат на Шарл Леклер и Швеѓанецот со бошњачко потекло Дино Бегановиќ се новите членови на славната Возачка академија на Ферари (ФДА).
22-годишниот Шарл Леклер исто така помина низ оваа академија, а сега неговиот помлад брат ќе ја има поддршката на Скудерија во регионалните Формула серии, откако во 2018 возеше во францускуот Формула 4.
16-годишниот Бегановиќ пак, од картинг сериите, ќе дебитира во Формула 4, откако беше „откриен“ преку „Тони Карт“, кои се налик на фудбалските скаути за италијанскиот тим.
„Пресреќни сме што можеме да објавиме дека Артур и Дино ќе ни се приклучат во следната возбудлива сезона. Имаме возачи од ФДА во сите категории на ФИА и фокусот ќе биде да го поддржуваме нивниот развој“, вели спортскиот директор на Ферари, Лорен Мекис.