Победникот на Аргентинското ГП, светскиот шампион Марк Маркез признава дека навивал Валентино Роси да го победи Андреа Довициозо за второто место зад нив.
Маркез се одвои на стартот и направи огромна разлика на патеката Термас де Рио Хондо, додека двајцата Италијанци зад него, Роси и Довициозо во текот на целата трка се бореа за позиција. Ветеранот Роси (Јамаха) на крајот во последниот круг го помина Довициозо (Дукати) и Маркез признава дека сакал Дови да загуби поени бидејќи беше неговиот најголем ривал за титулата последните две години.
„Кога ја поминав целта знаев дека Довициозо и Роси зад мене се борат за второто место. Секако, сакав Валентино да биде втор. Среќен сум што победив и што сме лидери во генерален пласман, но уште посреќен од начинот на кој помина викендот. Ова е еден од моите најдобри комплетни викенди бидејќи бев силен во секоја сесија. Го сфатив сет-апот, гумите, го сфатив начинот на кој треба дај а менаџирам трката и тоа беше најважно“, вели Маркез.
Маркез и минатата година беше на пат до доминантна победа пред неговата трка да се „распадне“ откако тој беше казнет за заддржување на стартот, а потоа ги удри Алекс Еспархаро и Роси во контроверзен потег, и вели дека лекцијата од 2018 е научена.
„По минатата година, навистина сакав ваква трка, да ја покажам брзината и прецизноста“, вели Маркез, кој има 4 поени предност пред победникот од првата трка во Катар, Довициозо.
RESPECT ?@marcmarquez93 and @ValeYellow46 shake hands after the #ArgentinaGP race ? pic.twitter.com/QvRAcFqfHL
— MotoGP™ ?? (@MotoGP) March 31, 2019