Формула 1 шампионите Мерцедес го објавија новиот изглед на нивниот болид за 2020, кој ќе биде обоен во црна боја како дел од ветувањето на тимот да ја подобрат разновидноста во нивниот тим во спортот.
Тимот објави дека новиот изглед е „ветување да се подобри разновидноста и сигнал на посветеноста на тимот во борба против расизмот и дискриминацијата во сите форми“. Ова е драстична промена на препознатливата сребрена боја на „Сребрената стрела“, кои се на болидот од враќањето во спортот во 2010 година.
Новиот болид ќе дебитира овој викенд на Австриското ГП на 5 јули.
„Протестите на движењето ’Black Lives Matter’последните пет месеци фрлија светло на потребата на нови мерки во борбата против расизмот и дискриминацијата. Последните неколку недели ја слушнавме перспективата на нашите членови, за да поставиме план кон иднината“, се вели во соопштението на тимот.
Мерцедес потврдија дека само 3 отсто од нивните работници се идентификуваат како членови на етничко малцинство, и само 12 отсто се жени. Луис Хамилтон, првиот црн светски шампион го пофали својот тим.
„Важно е да го искористиме овој момент и да се едуцираме како индивидуи, брендови и компании кои сакаат вистинска промена за еднаквост и разновидност. Јас лично искусив расизам во мојот живот и зборувам од срце кога барам промени“, вели Хамилтон.
We will race in black in 2020, as a public pledge to improve the diversity of our team – and a clear statement that we stand against racism and all forms of discrimination. ?
— Mercedes-AMG F1 (@MercedesAMGF1) June 29, 2020
? “Racism and discrimination have no place in our society, our sport or our team: this is a core belief at Mercedes.
“But having the right beliefs and the right mindset isn’t enough if we remain silent.” ?
— Mercedes-AMG F1 (@MercedesAMGF1) June 29, 2020