Откако на претходните две трки имаше незгодни падови, светскиот шампион, Франческо „Пеко“ Бањаја триумфираше на Шпанското ГП во Херез, победувајќи двајца возачи на КТМ, Јужноафриканецот Бред Биндер и Австралиецот Џек Милер во возбудлива завршница.
Бањаја го совлада Биндер во тесна завршница во трка која беше прекината по првиот круг по тешкиот пад на Фабио Квартараро и Мигуел Оливеира. Во поголемиот дел од 24-те круга во Херез, Бањаја се бореше со двојката на КТМ за да ја оствари својата втора победа оваа сезона.
Бањаја е лидер во генерален пласман со 87 поени пред Марко Беѕеки, кој исто така не ја заврши трката во Херез, со 65, а следна на календарот е трката во Ле Ман, Франција, на 14 мај.
A victory to remind us all why @PeccoBagnaia has the number #1 on his plate! 🥇 🤫
Hats off to the World Champ, #SpanishGP 🇪🇸 winner and brand-new Championship leader! 💯 #MotoGP pic.twitter.com/WXX2rioMFm
— MotoGP™🏁 (@MotoGP) April 30, 2023