Франко Морбидели е победник на Сан Марино ГП трката во Мизано, за да ја продолжи необичната низа на стартот на Мото ГП шампионатот на дебитанти на првото место.
Ова е прва победа во Мото ГП за поранешниот Мото 2 шампион Морбидели, со што тој стана четвртиот возач кој првпат триумфирал оваа сезона и петти различни победник во само шест трки во отсуство на повредениот светски шампион Марк Маркез.
25-годишниот Морбидели, возач на Петронас Јамаха, имаше фантастичен старт и го заддржа првото место пред Франческо Бањаја и Жоан Мир, кој пак успеа во последниот круг да го помине ветеранот Валентино Роси и да спречи подиум број 200 во блескавата кариера на „Докторот“ и тоа на патеката која се наоѓа на десетина километри од неговиот роден град Тавулија.
Во неверојатната трка во генерален пласман, Андреа Довициозо во Дукати е изненадувачки нов лидер откако заврши на седмото место, бидејќи има 76 поени, само шест повеќе од досегашниот лидер Фабио Квартараро (Петронас Јамаха), кој двапати падна и не ја заврши трката. На третото место е Австралиецот Џек Милер со 63 поени.
Следниот викенд, Мото ГП асовите повторно ќе бидат во Мизано, овојпат во трката за ГН на Емилија Ромања.
Awesome to see!!! ?@FrankyMorbido12 is congratulated by his mentor @ValeYellow46! ?#FrankySaysRelax | #SanMarinoGP ?? pic.twitter.com/lsLMWg3S6F
— MotoGP™? (@MotoGP) September 13, 2020