Возачот на Ред Бул, Макс Ферстапен, поради физичкиот напад врз колегата од Форс Индија, Естебан Окон, по завршувањето на трката за Големата награда на Бразил, ќе мора да одработи два дена општествено корисна работа за ФИА.
Ферстапен беше на чекор до победа на патеката „Интерлагос“, но поради контактот со Окон, кој заостануваше за цел круг, излета од патеката, остана без челната позиција и на крајот заврши како втор.
Lap 44, Max is leading the race, then this… #BrazilGP ?? #F1 (Sound ?) pic.twitter.com/FhMgkehVtG
— Formula 1 (@F1) November 11, 2018
Инцидентот се случи во 44.круг, а Ферстапен по трката се обиде физички да се пресмета со Окон.
„Во наредните шест месеци, Ферстапен е должен да одработи два дена за ФИА“, се наведува во соопштението.
Verstappen vs Ocon after the race. #F1 #BrazilGP #Verstappen #Ocon pic.twitter.com/M6Oynan9dS
— ℐoиɑthɑи.? (@JonathanNascar) November 11, 2018
ФИА во соопштението наведува дека ја разбира нервозната реакција на возачот на Ред Бул.
„Ја разбираме нервозата кај Макс, имаме симпатии кон неговата натпреварувачка страст, но однесувањето не беше примерно. Возачите треба да извлечат поука од сето ова. Во иднина нема да толерираме вакви работи“.
Ферстапен во генералниот пласман се наоѓа на петтото место со 234 бода.
Сезоната во Формула 1 ќе заврши на 25.ноември во Абу Даби.