Седумкратниот светски првак во Формула 1, Луис Хамилтон, од Кралицата Елизабета Втора ја доби титулата витез. Кралицата традиционално за Нова година го одликува Британците кои се истакнале на некое поле.
Хамилтон во 2020 година неколку пати испиша нови страници во историјата на Формула 1. Стана возачот со најмногу победи (95), а потоа на вечната листа се израмни со Михаел Шумахер, според бројот на освоени титули.
Во кариерата покрај 95 победи, има и 98 пол-позиции и 165 пласмани на подиумот.
Оваа година тој целосно се посвети и на борбата за човековите права. На негова иницијатива, болидите на Мерцедес беа во црна боја.