Елче успеа да извлече 1:1 реми со Реал Мадрид, за да ја прекине победничката низа на „кралевите“ и да дозволи Атлетико Мадрид да се одвои на два поени од нив на врвот на Ла лига и тоа со два натпревари помалку.
Лука Модриќ се најде на вистинското место во 19-тата минута, кога по ударот на Марко Асенсио кој заврши во гредата, ја смести топката со глава во мрежата на домаќините. Меѓутоа, во 52. минута, Елче доби совршена шанса да израмни кога беше досуден пенал, кој Фидел сигурно го реализираше.
Реал сега има 33 поени со 16 одиграни мечеви, зад Атлетико со 35 со 14 меча, и седум пред Реал Сосиедад (исто така со 16 меча). Елче се 15-ти со 16 поени, еден поен над зоната за испаѓање.