Чешка го направи првото големо изненадување на ЕУРО 2020 откако попладнево со 2-0 ја елиминираше Холандија во осминафиналето.
Трагичарот на мечот, дефанзивецот на Јувентус Матијс де Лихт ја признава грешката и ја презема одговорноста на непромислениот потег.
„Загубивме поради мојот потег. Ова е лошо. Овој момент го промени натпреварот и не можам да дозволам тоа да ми се случува. Ги гледав последните неколку минути и како тимот се мачи. Јас сум виновен. Имавме контрола и имавме некои шанси во првото полувреме. Црвениот картон ја направи разликата. Чешка е физички силна репрезентација која не бега од дуели. Тешко ни одеше со тоа. Тоа беше натпревар 50-50, каде црвениот картон ја направи разликата. Ова ЕП беше златна можност, но ваква елиминација е многу болна. Добро се снајдовме во групната фаза. Потоа во осминафиналето сте елиминирани од Чешка. Тоа е многу кисело“ рече разочараниот Де Лихт.