Диего Жота, напаѓачот на селекцијата на Португалија имаше две шанси, во 4. и во 40. минута својата селекција да ја доведе во водство на преполната „Пушкаш арена“ во Будимпешта на мечот против Унгарија во првото коло од групата Ф (група на смртта) на ЕП.
Иако Унгарците како домаќини го дочекаа големиот фаворит, сепак Португалците предводени од Кристијано беа доминантни во првиот дел. За жал мрежите мируваат.
Токму Роналдо во 43 минута ја пропушти најубавата шанса на мечот кога од 5 метри биеше над голот на унгарскиот голман.
Само 2 удари одеа во рамките на голот на Гулаши во првото полувреме, Унгарците во поголемиот дел од полувремето беа на 30-тина метри од својот гол.
