Женскиот фудбалски клуб Манчестер Сити ја прифати понудата на Барселона за трансфер на фудбалерката Кира Волш. Каталонскиот клуб ќе плати сума од 400.000 евра, што е рекордна сума во женскиот фудбал.
Претходниот трансфер рекорд беше соборен во септември 2020 година, кога Перниле Хардер се пресели од Волфсбург во Челси за околу 345.000 евра.
Овие 400.000 евра, секако, во машкиот фудбал се само неделна плата за дел од најдобрите фудбалери во Премиерлигата.
Трансферниот рекорд во машкиот фудбал моментално го држи Бразилецот Нејмар. Тој во 2017 година од Барселона се пресели во ПСЖ за сума од 222 милиони евра.