По скандалот што го спречи Андреа Пирло да стане селектор на Италија, Паоло Малдини и Леонардо поднесоа оставки и го напуштија проектот по само 16 дена на функцијата.
Легендарниот капитен на Милан ја имаше улогата на технички директор, додека славниот Бразилец беше советник на Италијанската фудбалска асоцијација. Причината за нивното заминување е несогласувањето со претседателот на асоцијацијата, Џовани Малага.
Поранешното дуо на Милан беше решено да го задржи Пирло на клупата на „аѕурите“ и покрај неговите врски со руската обложувалница „Фонбет“, што првиот човек на фудбалот во Италија, го сметаше за неприфатливо. Кога министерот за спорт Андреа Абоди се придружи на критиките, беше јасно дека ситуацијата ескалираше.
Роберто Манчини, Антонио Конте, Тијаго Мота и Рафаел Паладино се споменуваат меѓу главните кандидати за кормилото на „паднатиот“ гигант.
И покрај трофејот европски шампион од 2021 година, впечатокот е дека Италија забележа катастрофални резултати во последната деценија. Фактот дека не се квалификуваа на три Светски првенства по ред, а по трофејот во 2006 година, не излегоа од групата во следните две изданија е особено болен.