Паоло Бусардо, агентот на германскиот репрезентативец Робин Госенс, потврди дека трансферот на фудбалерот на Аталанта во Интер е пред комплетирање и дека се одбиени Њукасл јунајтед, само бидејќи „Интер е Интер“.
Договорот меѓу двата клуба е постигнат за позајмица со обврска за купување од 22 милиони евра плус 3 милиони евра во бонуси. Утре треба Госенс да ги помине медицинските тестови и да потпише договор, а Бусардо беше „фатен“ на излегување од седиштето на Интер и даде кратка изјава.
„Не е уште готово, има уште некои детали кои треба да се средат, ќе видиме. Не знам дали ќе се заврши денеска“, почнува Бусардо, а на прашањето зошто ги одбил Њукасл, кои нуделе повеќе пари и повисока плата, тој е краток: „Бидејќи е Интер! Вистинско решение за него“.
? #Inter – Il consulente di #Gosesn dopo l’incontro con la dirigenza nerazzurra: "Non è ancora chiusa, mancano ancora dei dettagli. Non lo so se chiudiamo in serata. Perché ha scelto l’Inter? Perché è l’Inter…" ? @calciomercatoit pic.twitter.com/NONe43pAl5
— Giorgio Musso (@GiokerMusso) January 26, 2022