Тренерот на Ајак, Ерик Тен Хаг доби нов тригодишен договор откако лани ги предводеше „копјаниците“ до двојна холандска титула и до полуфиналето во Лигата на шампионите.
49-годишниот Холанѓанец ќе остане во клубот до 2022 година и признава дека е презадоволен што останува во „неговиот“ клуб откако голем број на шпекулации го поврзуваа со трансфер во Англија или Италија.
„Пресреќен сум. Имавме фантастична сезона и сега сакаме да го надградиме овој успех и клубот да оди напред. Резултатите кои ги остваривме беа фантастични и ќе биде многу тешко да се подобри тоа. Но, целите се тие и одиме напред. Стилот на фудбал одговара на Ајакс, но и на мене“, вели Тен Хаг.
Предизвик за Тен Хаг ќе биде и обновување на тимот, бидејќи Френки де Јонг веќе замина во Барселона, Матијс де Лихт преговара за трансфер со повеќе клубови, а неизвесна е иднината и на Хишам Зијеч, Дони ван дер Бек.
We don’t stop building. ?
Ten Hag -> 2️⃣0️⃣2️⃣2️⃣#ForTheFuture
— AFC Ajax (@AFCAjax) June 20, 2019