Саудискиот клуб Ал-Хилал покажа голем интерес за италијанскиот стручњак Масимилијано Алегри. Откако стратегот на Јувентус ја одби првата понуда, Саудијците ја зголемија сумата. Како што пренесува „Раи Спорт“, Алегри во Монте Карло се сретнал со претставници на Ал-Хилал каде што му бил понуден тригодишен договор вреден вкупно 30 милиони евра, а веднаш по потпишувањето и бонус од 10 милиони евра.
Зад 55-годишниот стратег и „старата дама“ од Торино беше тешка сезона со проблеми на теренот и надвор од него, што кулминираше со одземање на 10 поени во последните недели од сезоната што го остави Јувентус без пласман во Лигата на шампионите.
Алегри беше означен како еден од главните виновници за неубедливите игри на италијанскиот великан, но тој најави дека сè уште нема намера да го напушти Јувентус. Засега не е познато како тој одговорил на најновата понуда од саудискиот клуб кој досега го водеше Аргентинецот Рамон Дијаз.