Ал-Итихад не се подготвени да се откажат од обидот да ја добијат ѕвездата на Ливерпул, Мохамед Салах, нудејќи рекордни 200 милиони фунти за негов трансфеер, откако првата понуда од 150 милиони фунти беше одбиена од премиерлигашот, тврди „Дејли мејл“.
Денеска наутро, менаџерот на Ливерпул, Јирген Клоп не сакаше да даде детали за потенцијалниот трансфер на египетскиот напаѓач и наместо тоа зборуваше за „опасноста“ од моќта на саудиските пари и проблемот што тие можат да носат играчи до 20 септември, додека во поголемиот дел од Европа денеска завршува преодниот рок.
Според „Дејли мејл“, саудискиот клуб подолго време е во преговори со Ливерпул, и во текот на преговорите имаат база во јужна Франција, но засега, Ливерпул сака да го задржи својот најдобар фудбалер.
И покрај тој став, се верува дека Ливерпул веќе бараат замена за Салах, но преодниот рок за нив завршува вечерва и нема многу време за натегање.