Поранешниот тренер на Милан, Интер, Јувентус, Лацио и селектор на јапонската репрезентација, Алберто Закерони, се наоѓа на интензивна нега во клиника откако загубил свест по семејна несреќа.
Тој се пензионираше во 2019 година, а во својата богата тренерска кариера имаше можност да работи во Јапонија, Кина и во Обединетите Арапски Емирати.
Според италијанските медиуми, Закерони бил во својата куќа кога ненадејно паднал и удрил со главата на подот откако загубил свест.
Брзата помош многу брзо пристигнала на местото на настанот и веднаш го пренела во клиниката „Маурицио Буфалини“ во Чезена.
Првично му е дијагностициран потрес на мозокот и тешки повреди на главата, а допрва ќе следат детални испитувања.
Ansia per Alberto #Zaccheroni: trauma cranico dopo una caduta, è in terapia intensiva https://t.co/d0ehJUBtqg
— La Gazzetta dello Sport (@Gazzetta_it) February 10, 2023