Тренерот на Јувентус, Масимилијано Алегри, јавно ја постави целта на тимот, а тоа е враќање на титулата во Торино. Минатата сезона беше прва за „бјанконерите“ под водство на Алегри, во која не беа крунисани за шампиони.
Стратегот се врати во клубот минатото лето, откако заврши серијата на Јувентус од девет последовни титули. Последните две сезони тимот заврши на четвртото место во Серија А.
„Јувентус, како и обично, сака да ги постигне своите цели. Летово пристигнаа некои врвни играчи во клубот. Освен тоа, ова е втора сезона за мене, па ќе почнеме со добра база. По првата сезона без трофеј по 10 години, сега имаме должност да го освоиме скудетото“, изјави Алегри пред првата контрола на тимот во САД, против мексиканскиот Чивас во Лас Вегас.