Top Sport

Алисон го пропушта реваншот со Атлетико?

Тренерот на Ливерпул Јирген Клоп во пресрет на утрешниот натпревар со Борнмут во Премиер лигата одржа прес конференција.

Дуелот со екипата која се бори за опстанок во лигата е добра можност „црвените“ да ја вратат самодовербата која им е разнишата по поразите од Вотфорд и Челси.

Натпреварот ќе се одигра утре од 13.30 часот на „Енфилд“.

Клоп на прес конференцијата откри информација која ќе ги загрижи фановите на клубот. Голманот Алисон Бекер се повредил на тренингот и тој нема да биде во составот за утрешниот меч, но она што загрижува е што тој не ја исклучил можноста голманот да го пропушти и реваншот со Атлетико во Лигата на шампионите.

Ливерпул ќе го пречека Атлетико в среда и ќе се обиде да ја стигне и престигне предноста која Шпанците ја имаат по првиот натпревар. Атлетико првиот меч го доби со 1:0.

Scroll to Top