Реал Мадрид, утре против Бетис ќе одигра последниот натпревар во Ла Лига оваа сезона. На „Сантијаго Бернабеу“ ќе играат актуелниот шампион и победникот во Купот на Шпанија. Реал наредната сезона ќе игра во Лигата на шампионите, а Бетис обезбеди место во фазата по групи во Лига Европа.
Натпреварот против Бетис ќе биде претпоследен оваа сезона за избраниците на тренерот, Карло Анчелоти. Последниот натпревар, Реал ќе го одигра на 28.мај, против Ливерпул, во финалето на Лигата на шампионите.
Покрај финалето во Париз, главна тема околу мадридскиот тим е и евентуалниот трансфер на Килијан Мбапе за кој интензивно се зборува.
„Сега размислувам само за финалето од Лигата на шампионите“, рече Анчелоти на прашањето за Мбапе, додавајќи дека на играчите не им пречат приказните за доаѓањето на Французинот.
„Немам дилема ќе биде во првиот тим на мечот во Париз. Единствена дилема ми е кој ќе биде поважен – оние кои ќе го започнат или оние кои ќе го завршат натпреварот”, изјави италијанскиот стручњак запрашан за почетниот состав за финалето на Лигата на шампионите.