Легендарниот поранешен напаѓач на Арсенал, Тјери Анри стана хит на социјалните мрежи, откако при гостување на француската телевизија се преправаше дека не знае кој тим е тој Тотенхем, лутиот ривал на „топчиите“.
Анри никогаш немаше загубено од Тотенхем додека беше фудбалер на Арсенал, и славно ја освои титулата на стадионот на ривалите „Вајт Харт Лејн“ во 2004, сезоната во која „топчиите“ ја завршија цела сезона без пораз. Тој дури има и статуа пред „Емирати“ во која е претставена славната прослава по сензационалниот гол против Тотенхем на „Хајбери“ во 2002 година.
При анализата на „Амазон прајм“ за поразот на Рен од 2:0 од Ремс, гостинот порача дека сега треба да играат со Тотенхем во Лига Европа (меч кој заврши 2:2).
„Извинете кој? Не ги познавам“, изјави Анри со насмевка на лицето.
Do NOT bring up Tottenham around Thierry Henry ? pic.twitter.com/gGWwYLpJAq
— Amazon Prime Video Sport (@primevideosport) September 16, 2021