Фудбалерите на Астон Вила забележаа победа над градскиот ривал ВБА 2:1, во првиот натпревар од плеј-офот за пласман во Премиер лигата.
На „Вила парк“ натпреварот подобро го отворија гостите. Двајт Гејл постигна гол во 16 минута. Напаѓачот на ВБА со прекрасен удар го совлада Џед Стир.
Стрелецот Гејл не го заврши натпреварот откако заработи исклучување во 88 минута. Поради стартот врз голманот Стир тој го доби вториот жолт картон.
Астон Вила направија пресврт во интервал од четири минути што беше круна на нивната подобра игра.
Конор Хјурикејн во 75 минута израмни на 1:1, а Тони Ејбрахам во 79 минута беше прецизен од белата точка.