Фановите на Сараево очекуваа вистински фудбалски празник на „Асим Ферхатовиќ-Хасе“ пречекувајќи го италијанскиот прволигаш Аталанта по солидните 2:2 во Реџо Емилија, но им се случи вистинска катастрофа, губејќи со 8:0 во реваншот од второто квалификациско коло во Лига Европа.
„Бордо“ момците беа разбиени во првите половина час – уште во петтата минута примија гол преку Паломино, по што Папу Гомез зголеми на 2:0 во 15. минута, Масиело на 3:0 само три минути подоцна. Капитенот Гомез уште еднаш погоди во 28. минута за да ја најави катастрофата. Мерсудин Ахметовиќ си постигна автогол за катастрофални 0:5 по 45 минути игра. Во второто полувреме, свое шоу имаше Муса Бероу, кој постигна хет-трик за највисок пораз во историјата на еден клуб од БиХ во натпреварите во Европа.
Прогрес Нидеркорн, клубот кој минатата сезона по лошо го паметеше Глазгов Ренџерс по елиминацијата во ЛЕ, пак, повторно успеа да земе „скалп“ на посилен и пореномиран клуб. Клубот од Луксембург го победи унгарскиот Хонвед со 2:0 за да ја надополни негативата од 0:1 од првиот меч за да го чека противникот од подобриот од дуелот меѓу рускиот Уфа и словенечкиот Домжале.
ЛИГА НА ЕВРОПА, 2.КВАЛИФИКАЦИСКО КОЛО
Хакен (Шве) – РБ Лајпциг (Гер) 1:1, прв натпревар 0:4, вкупно 1:5
Лилестром (Нор) – ЛАСК Линц (Авт) 1:2, прв натпревар 0:4, вкупно 1:6
Адмира (Авт) – ЦСКА Софија (Буг) 1:3, прв натпревар 0:3, вкупно 1:6
АИК Стокхолм (Шве) – Нордсјеланд (Дан) 0:1, прв натпревар 0:1, вкупно 0:2
Аполон (Кип) – Железничар (БиХ) 3:1, прв натпревар 2:1, вкупно 5:2
Линколн (Гиб) – ТНС (Вел) 1:1, прв натпревар 1:2, вкупно 2:3
Мариупол (Укр) – Ѓургарден (Шве) 2:1 по продолженија, прв натпревар 1:1, вкупно 3:2
Нидеркорн (Лук) – Хонвед (Унг) 2:0, прв натпревар 0:1, вкупно 2:1
Спарта Прага (Чеш) – Спартак Суботица (Срб) 2:1, прв натпревар 0:2, вкупно 2:3
Вадуц (Лих) – Жалгирис (Лит) 1:1, прв натпревар 0:1, вкупно 1:2
Атромитос (Грц) – Брест (Блр) 1:1, прв натпревар 3:4, вкупно 4:5
Слован Братислава (Свк) – Балзан (Мал) 3:1, прв натпревар 1:2, вкупно 4:3
Астерас Т. (Грц) – Хибернијан (Шко) 1:1, прв натпревар 2:3, вкупно 3:4
Бешикташ (Тур) – Б36 Торсхавн (Фар) 6:0, прв натпревар 2:0, вкупно 8:0
Копенхаген (Дан) – Стјарнанд (Исл) 5:0, прв натпревар 2:0, вкупно 7:0
Викингур (Фар) – Торпедо Кутаиси (Гру) 0:4, прв натпревар 0:3, вкупно 0:7
Витесе (Хол) – Виторул (Ром) 3:1, прв натпревар 2:2, вкупно 5:3
Марибор (Сло) – Чикура (Гру) 2:0, прв натпревар 0:0, вкупно 2:0
Сараево (БиХ) – Аталанта (Ита) 0:8, прв натпревар 2:2, вкупно 2:10