Фудбалерите на Аталанта го победија Сасуоло со 2:1 (1:1) во натпреварот од 10.коло во Серија А.
Избраниците на Џанпјеро Гасперини уште еднаш одиграа добар натпревар и сега со бод и натпревар повеќе во однос на Наполи се вратија на врвот на табелата во Серија А.
Аталанта со пресврт славеше над Сасуоло, откако гостите први постигнаа гол преку Јоргос Киријакопулос во 41. минута.
Со голот на Кирјагопулос заврши неверојатната серија на Аталанта. Тимот на Џанпјеро Гасперини до овој натпревар беше единствениот во најсилните европски лиги кои не примил гол во првото полувреме.
Аталанта одговори преку Марио Пашалиќ, а голот за победа го постигна Адемола Лукман.
Во следното коло имаат дерби со Лацио, додека Сасуоло ја пречекува Верона.