Еден Азар беше на „мета“ на навивачите на Реал Мадрид по појавувањето на снимките по 2:0 поразот од Челси, каде што тој беше насмеан со своите поранешни соиграчи од Лондон, нешто што според „кралевите“ покажува дека тој не е сериозен во кариерата во Мадрид.
Очигледно, критиките пристигнале до Белгиецот, кој преку Инстаграм се извини на навивачите на Реал и им вети дека пристигнал во Мадрид да се бори за големи титули.
„Се извинувам. Прочитав многу мислења за мене денеска и во ниту еден момент немав намера да ги навредам навивачите на Реал Мадрид. Секогаш сум сонувал да бидам играч на Реал Мадрид и пристигнав тука за да победувам. Сезоната уште не е завршена и сега мораме да се бориме за титулата во Ла лига. Hala Madrid“, напиша Азар.
Графика: Sofascore за Топспорт.мк
