Баерн Минхен експресно се врати на врвот на табелата, поминувајќи ги Унион Берлин, откако стигнаа до импресивна 4:2 победа на гостувањето кај Волфсбург во 19. коло во Бундеслигата.
Баварците имаа атомски старт и во првите 19 минути од мечот направија предност од 0:3. Кингсли Коман го отвори резултатот уште во 9. минута, за во 14. минута да постигне прекрасен гол по асистенција на новото засилување Жоао Кансело, а Томас Милер во 19. минута најави голема победа на гостите.
Сепак, Волфсбург вратија еден гол преку Јакуб Камински во 44. минута, пред да добијат и теренска предност во 54. минута по вториот жолт картон и исклучувањето на Џошуа Кимих. Но, и со 10 играчи, Баерн го зголемија водството преку Џамал Мусијала во 73. минута од мечот, пред Матијас Сванберг во 82. минута да ги постави конечните 2:4.