Македонскиот репрезентативец Енис Барди се соочува со три неделна пауза поради повреда. Барди го повредил бутниот мускул на последниот тренинг на Леванте.
Тренерот на Леванте, Пако Лопез, потврдил дека Барди почувствувал болка во пределот на мускулот, лекарите потврдиле дека ќе мора да отсуствува три недели.
Повредата на Барди му предизвикува проблеми и на селекторот на Македонија, Игор Англеовски. Македонија на 1о октомври ќе ја пречека Словенија, а на 13 октомври ќе гостува во Полска, во рамките на квалификациите за пласман на ЕУРО 2020.
Исто така Барди ќе ги пропушти дуелите што Левенте ќе ги одигра против Бетис во Севилја (вечерва, 20 часот) и против Осасуна (недела, 18.30 часот).