Легендата на Милан, Франко Барези беше именуван за почесен претседател на „росонерите“, по што изјави дека овој потег му носи огромна гордост и се заблагодари на Паоло Скарони и Иван Газидис за честа.
Барези целата 20-годишна кариера ја помина во Милан, каде што 15 години беше капитен и честопати е сметан за еден од најдобрите дефанзивци во историјата на фудбалот. Со Милан, тој освои три европски титули и шест трофеи во Серија А.
„Се заблагодарувам на клубот, на претседателот Скарони и на генералниот директор Газидис за ова. Се работи за голема чест, која ми носи огромна гордост. Клубот мислеше на мене и јас ќе продолжам да работам за овој славен грб, за голем Милан“, изјави Барези.
Nota Stampa: @FBaresi ➡ https://t.co/YSqGI67hJf#SempreMilan pic.twitter.com/yKcqHns3an
— AC Milan (@acmilan) October 28, 2020