Барселона, слично како лутиот ривал Реал Мадрид, дури по изведувањето на пенали влезе во финалето на Шпанската Суперкопа во Саудиска Арабија, откако Марк-Андре Тер Штеген беше џокерот на тимот на Чави Ернандез по 2:2 ремито по 120 минути против Реал Бетис.
Роберт Левандовски, кој не е суспендиран за мечевите од Суперкопа, во 40. минута ги донесе Барса в водство откако голот на Педри 17 минути претходно беше поништен поради офсајд. Сепак, тимот на Маурицио Пелегрини се покажа како опасен противник и Набил Фекир во 77. минута успеа заслужено да израмни.
Овој резултат остана до крајот на 90-те минути, за во продолжението, Барса да дојде во водство во 93. минута со голот на Ансу Фати. Бетис одговори во 101. минута со голот на Лорен Морон за 2:2 и пенал-серија. Таму Тер-Штеген беше подобар од Хуанми и Карваљо за 4:2 победа на пенали.