Барселона мораат да заработат 26 милиони евра пред да можат да се фокусираат на купување на играчи во летниот преоден рок поради стриктните правила на шпанската Ла лига, потврди претседателот на клубот, Жоан Лапорта.
Во интервју за каталонскиот „Спорт“, Лапорта зборуваше за финансиската состојба на клубот, посочувајќи дека тие мораат да внесат 26 милиони евра во клубот поради таканареченото „1:1“ правило на Ла лига. Со оваа заработувачка, клубот ќе има начин пофлексибилно да ракува со своите финансии, односно да троши едно евро за секое заштедено евро.
Лапорта смета дека наједноставен начин за оваа заработувачка е да се освои титулата од Лига Европа, што нема да биде лесна задача – каталонскиот клуб игра со Манчестер јунајтед, а и да ги помине „ѓаволите“ ќе ги очекуваат силни противници. Лапорта инсистира дека друга можност е осигурување на спонзорство од богати партнери, но и потенцијални пари од пријателски мечеви.