Барселона се одвои на 10 поени пред Реал Мадрид (со натпревар повеќе), откако на „Ноу Камп“ успеаја да стигнат до 1:0 победа над очајната Валенсија и покрај тоа што утнаа пенал и поголемиот дел од второ полувреме одиграа со 10 играчи.
Рафиња уште во 15. минута донесе предност за Барселона откако доби речиси совршена топка од Серхио Бускетс во убава комбинација на домаќините. Кога во 55. минута беше досуден пенал за Каталонците, изгледаше дека исходот е решен, но Феран Торес не успеа од белата точка.
Busi's brilliant pass and Raphinha's run and header😮💨 pic.twitter.com/5qpPt1T9cG
— Culers Media (@lewyball) March 5, 2023
Ситуацијата за тимот на Чави Ернандез се искомпликува кога Роналд Араухо во 59. минута доби директен црвен картон, но на крајот тие успеаја да идржат и да осигураат три поени.
Валенсија со поразот останува на претпоследното место на табелата со 23 поени, два поени над безбедната зона.