Последни учесници во полуфиналето на Конференциската лига се фудбалерите на Базел, кои по продолженија успеаја да ја елиминираат Ница на гостински терен.
Пред седум дена во Швајцарија беше 2:2, вечерва по 90 минути беше 1:1, а Базел преку дополнителни 30 минути успеа да победи со 2:1.
Ница поведе со голот на Лаборд во деветтата минута, а тој резултат важеше до 86. минута. Тогаш Агустин израмни на 1:1 и го одведе овој дуел во продолженија.
Таму подобро се снајде тимот од Швајцарија, а Адамс во 98. минута погоди за 1:2.
Базел во полуфиналето ќе игра против Фиорентина. Другата полуфинална двојка ја сочинуваат Вест Хем и АЗ Алкмар.