Герет Бејл се уште има магија во своите нозе. На сите во Мадрид им покажа дека прелесно се откажаа од него. Со два гола, од кој првиот е вистинско ремек дело, го донесе Велс на чекор до СП во Катар. Велс само еднаш играче на најголемата фудбалска смотра, во далечната 1958 година.
Бејл е редовна мета на шпанските медиуми, од август за „кралскиот тим“ има одиграно само 74 минути. Пред четири дена го пропушти дербито со Барселона поради повреда, синоќа имаше свое шоу против Австрија.
Интересно, од почетокот на сезоната за Реал одиграл пет натпревар и постигнал само еден гол, за Велс исто така одиграл пет натпревари и постигнал пет гола.
„Дали испратив некаква порака? Немам намера да им одговарам на критичарите од Шпанија. Тоа што го прават е одвратно, треба да се срамат“, рекол Бејл по натпреварот со Австрија.
Вчера, „Марка“, во еден свој текст го нарече Бејл „крлеж кој цица крв и пари“.