Фудбалскиот клуб Реал Мадрид ќе го продолжи договорот со францускиот интернационалец Карим Бензема.

Според шпанските медиуми Бензема ќе добие договор до јуни 2022 година и значително зголемување на платата. Со актуелниот договор Бензема годишно заработува 13 милиони евра.

Бензема е во Реал од 2009 година, одиграл 331 натпревар и постигнал 160 гола.

Французинот игра одлично во изминатите 18 месеци откако од клубот си замина Кристијано Роналдо. Во овој период Бензема одиграл 79 натпревари, постигнал 58 гола и забележал 18 асистенции.