Манчестер Сити триумфираше во Лигата на шампионите откако во финалето го победи Интер со 1:0.
Еден од најдобрите играчи на „граѓаните“ во текот на сезоната, Бернардо Силва, титулата му ја посвети на починатиот дедо.
„Го направивме тоа за луѓето и за тимот. Многу сум среќен, испишавме историја. Отсекогаш сакав да го освојам овој пехар. Сакав да ме види дедо ми, за жал повеќе не е со нас, овој успех му го посветувам нему. Многу сме среќни, беше тешко, едноставно не можам да опишам, но сето тоа на крајот вредеше. Тимот го заслужува тоа, навивачите го заслужуваат тоа. Подобро не може, сега треба да славиме“, изјави Бернардо Силва.