Актуелниот турски шампион Бешикташ ја освои и титулата од Суперкупот, откако по 1:1 во регуларните 90 минути и во продолжението, со 4:2 го совлада тимот на Анталијаспор на мечот кој се одигра во Доха, Катар.
Канадскиот ветеран Атиба Хачинсон ги донесе Бешикташ во водство во 33. минута од мечот, но истиот фудбалер потоа си постигна автогол во 74. минута за да примора продолженија, во кои немаше голови. Додека сите четири пеналџии за Бешикташ беа прецизни, Анталија утна два пенали за да ја загуби титулата.