Фаик Болкиах (22) е најбогатиот фудбалер во светот. Фудбалерот кој се уште не добил шанса да заигра за првиот тим на Лестер на оваа листа која ја објави „Марка“ се наоѓа пред Кристијано Роналдо и Лионел Меси.
Болкиах е во Лестер од 2016 година, се уште го чека дебито за првиот тим. Досега добил шанса да одигра неколку пријателски натпревари за вториот тим. Претходно во Англија тој бил член на младиот тим на Челси.
Фаик Болкиах е капитен на фудбалската репрезентација на Брунеите. За националниот тим одиграл шест натпревари на кои постигнал еден гол.
Фаик е син на Џефри Болкиах принцот на Брунеите и е внук на султанот Хасаналах Болкиах кој е еден од најбогатите луѓе во светот. Султанот во својот тестамент на внукот ќе му остави 20 милијарди долари.
Втор на листата на најбогати светски фудбалери е Кристијано Роналдо. Богаството на Португалецот се проценува на 450 милиони долари. Актуелниот освојувач на Златната топка Лионел Меси е трет на листата. Аргентинецот тежи 400 милиони долари.
Од останатите фудбалери никој нема 200 милиони долари. Златан Ибрахимовиќ е на 190 милиони долари, Нејмар (185), Вејн Руни (160), Герет Бејл (120), Андрес Иниеста (120), Еден Азар (100) и Пол Погба (85).