Еден од најталентираните млади напаѓачи на светот, 19-годишниот Норвежанец Ерлинг Халанд потпиша договор со Борусија Дортмунд и покрај шпекулациите кои го поврзуваа со Манчестер јунајтед и Јувентус.
Сензационалниот Халанд, кој постигна 28 гола во 22 меча оваа сезона за Ред бул Салцбург, се приклучува на Дортмунд со договор до летото 2024 година и тоа за неверојатно ниска сума од само 21 милиони евра. Тој ќе се приклучи на соиграчите на „Вестфален“ на 3 јануари, потврдија од германскиот клуб.
Со овој сензационален трансфер се уриваат надежите на Јунајтед кои се обидуваа подолго време да го убедат Халанд да дојде на „Олд Трафорд“ и неговиот татко наводно веќе беше во Манчестер на преговори. Јувентус исто така беа „загреани“, но италијанскиот клуб не се согласи да ја плати високата плата на младиот фудбалер (наводно од 8 милиони евра годишно).
? Wer schreibt denn hier schon seine Wünsche für 2020 auf? pic.twitter.com/6rhGmVlMhs
— Borussia Dortmund (@BVB) December 29, 2019