Братот на играчот од средниот ред на француската фудбалска репрезентација и член на Јувентус, Пол Погба, Матијас (32), е ослободен од затворот во кој се наоѓаше од 18 септември поради неговата наводна вмешаност во уцена на својот помал брат. Матијас Погба, како и уште тројца осомничени, беа уапсени во септември под сомнение дека се обиделе да изнудат пари Пол Погба, кој моментно игра за Јувентус.
Матијас го напушти затворот утринава, потврди неговиот адвокат.
На Матијас му е забрането да има контакт со осомничените за уцена и изнуда против Пол Погба. Исто така, му е забрането да има контакт со неговата мајка и братот Пол. Не смее да ја напушти државата или да објавува статуси на социјалните мрежи.
Тој е обвинет за изнуда во организирана група и учество во криминална група. Во овој случај обвинети се уште четворица осомничени. Се верува дека тие се роднини на браќата Погба, на возраст меѓу 27 и 36 години, кои се товарат за изнуда, киднапирање и учество во криминална организација.
Сè се случи во март оваа година во Париз кога четворица мажи го одведоа Пол Погба под закана со пиштол во стан во париското предградие каде што порасна. Таму членовите на бандата го обвинија Погба дека не им помагал финансиски откако станал професионален играч.
Наводно, Погба им кажал на истражителите дека бандата му се заканувала со пиштоли и барала 15 милиони евра за да не објави компромитирачко видео и затоа што тие дискретно го штителе во последните десет години.
Братот на Погба помина 89 дена во притвор, додека Пол Погба поради повреда не настапи на Светското првенство во Катар.