Иако многу медиуми пред неколку дена објавија дека Чави веќе се договорил да биде следниот тренер на Барселона, ова враќање во матичниот клуб ќе почека, откако легендата на каталонскиот клуб потпиша едногодишно продолжување со катарскиот клуб Ал-Сад.
40-годишниот Чави си замина од Барселона по 17 години во 2015 година, по што следните четири години играше за катарскиот клуб пред минатиот мај да ја стави крај на играчката кариера. Тој веднаш беше поставен за тренер на тимот и со нив освои две титули.
По новата „криза“ која ја погоди Барселона, се сметаше дека тој е сигурен наследник на Кике Сетиен, но Чави сигурно останува во Катар до 2021 година, најверојатно чекајќи ги изборите за претседател во Барселона кои ќе се одвиваат следното лето.
„Среќен сум што го продолжив договорот со Ал-Сад и сега работам со тимот на повеќе прашања кои мора да ги решиме, како обновувањето на договорот на Акрам Афиф и потпишување на странски засилувања кои треба да ги заменат Габи и Марко Фабијан“, изјави Чави.
Xavi: Happy to renew my contract with #AlSadd, I’m working with the club’s management during the current period on a number of issues, including the renewal of Akram Afif’s contract, and signing foreign players to replace Gabi and Marco Fabianhttps://t.co/y5yUunEkzG pic.twitter.com/oamTseHo9Z
— AlSadd S.C | نادي السد (@AlsaddSC) July 5, 2020