Петр Чех беше бесен на Баер Леверкузен, откако германскиот клуб преку Твитер на шега посочи дека Бернд Лено може да биде подобар голман за Арсенал.
Чех беше на голот на Арсенал во 0:2 поразот од Манчестер сити и иако имаше неколку добри одбрани, тука беше и лошата интервенција во која тој за малку ќе си постигнеше автогол.
„Ние можеби знаеме еден човек“, напишаа на Твитер профилот на Леверкузен.
We might know a guy…
— Bayer 04 Leverkusen (@bayer04_en) August 12, 2018
Чех го сфати ова доста сериозно.
„Во Арсенал ние делиме важни вредности кои го прават клубот голем и тоа не само на фудбалската страна. Фер натпреварување, професионализам и спортско однесување е најважно за младите фудбалери и тажно е да се види дека другите клубови не ги делат овие вредности“, напиша Чех.
.@Arsenal we share important values which make us a big club not only on the football side . Fair competition, professionalism and sportsmanship are the biggest ones you teach young footballers and it’s sad to see when other clubs don’t share the same values. .@bayer04_en
— Petr Cech (@PetrCech) August 13, 2018
Од Баер Леверкузен веднаш одговорија.
„Здраво Петр. Изгледа дека нашата шега за Лено, нашиот поранешен фудбалер беше сфатена посериозно отколку што беше намерата. Сите сме за вредностите кои ги кажа ти и ти посакуваме тебе и на твојот голем клуб сѐ најдобро. Убава одбрана на ударот на Агуеро“, додадоа Леверкузен.
Hi Petr. It seems our joke about wanting to see Leno, our former player, in action has been taken a bit more harshly/personally than intended. It was only a bit of banter. We’re all for the values you’ve stated and wish you and your big club all the best. Nice 1v1 save on Aguero!
— Bayer 04 Leverkusen (@bayer04_en) August 13, 2018