Челси го потврдија доаѓањето на Каи Хаверц од Баер Леверкузен во договор вреден фантастични 70 милиони фунти за несомнено да ја добијат титулата „шампиони“ на летниот преоден рок.
21-годишниот Хаверц потпишува петгодишен договор со клубот од „Стемфорд бриџ“, откако беше убеден по двамесечни преговори меѓу двата клуба
„Пресреќен сум и горд сум што сум дел од толку голем клуб. Едвај чекам да ги сретнам сите фудбалери и да почнема да работиме“, изјави Хаверц.
Германецот е последно засилување на тимот на Френк Лампард, кој потроши повеќе од 200 милиони фунти ова лето. Покрај договорите за Хаким Зијеш и Тимо Вернер, Челси ги купи и Бен Чилвел и Маланг Сар, а исто така бесплатно го доби Тијаго Силва од Пари Сен-Жермен.
Но, тука не е крајот. Се верува дека Лампард ќе добие пари за уште две засилувања до крајот на преодниот рок.
Signed. Sealed. Delivered.#HiKai ? pic.twitter.com/mJGX67SPrD
— Chelsea FC (@ChelseaFC) September 4, 2020