Кристијано Роналдо доби очигледна повреда на бутниот мускул во понеделничкиот меч против Србија во Лисабон, задавајќи им главоболки на луѓето во Јувентус пред четврт-финалето од Лигата на шампионите против Ајакс.
Роналдо сам побара замена во 31. минута од мечот, во моменти кога Србија водеше со 1:0, но бргу потоа, Данило Переира израмни на 1:1.
Роналдо беше клучен за Јуве во елиминацијата на Атлетико Мадрид со хет-трик во реваншот за да се надополни дефицитот од 0:2, а сега пред мечот во Амстердам на 10 април, тој ќе мора да се потруди да биде во тимот.
Пред мечот со Ајакс, Јувентус има три меча во Серија А – Емполи, Каљари и Милан, но таму ситуацијата не е толку проблематична, бидејќи „бјанконерите“ имаат 15 поени предност пред Наполи и 22 поени пред третопласираниот Интер.
Cristiano Ronaldo being subbed for muscular injury! pic.twitter.com/26MZ10cLem
— Tancredi Palmeri (@tancredipalmeri) March 25, 2019