Дефанзивецот на Манчестер јунајтед, Диого Далот стави крај на сите шпекулации потпишувајќи долгогодишен договор со клубот од „Олд Трафорд“.
24-годишниот Далот оваа сезона стана еден од стандардните првотимци на Ерик Тен Хаг, со 42 настапи во сите натпреварувања, но беше поврзуван со трансфер во Шпанија, каде што Реал Мадрид и Барселона го сакааа Португалецот. Тој сега потпиша нов петгодишен договор со кој останува во клубот до 2028 година.
„Да се игра за Манчестер јунајтед е една од најголемите почести кои можете да ги добиете во фудбалот. Заедно поминавме некои фантастични моменти во последните пет години и мојата страст за овој клуб растеше со секој ден. Како група фудбалери сметаме дека сме на старт на еден посебен пат и можам да ветам дека ќе се посветам на остварувањето на целите“, изјави Далот.
2️⃣0️⃣2️⃣8️⃣ ✍️@DalotDiogo has signed fresh terms with the Reds! 🤩#MUFC
— Manchester United (@ManUtd) May 31, 2023