Френки де Јонг наскоро треба да се врати на теренот по повредата на коленото што ја заработи за време на Светското првенство, но Барселона би можела да го продаде во зимскиот преоден рок.
Каталонскиот клуб ја започна сезоната на импресивен начин, додека конкуренцијата во средниот ред стана исклучително силна.
Родри и Педри моментално се недопирливи во прв тим, додека Бернал и Гави се исто така во конкуренција за минутажа, што ја прави неизвесна позицијата на Де Јонг во тимот на Ханси Флик.
Токму затоа, „Мундо Депортиво“, пишува дека постои можност, Холанѓанецот да го напушти клубот веќе за време на јануарскиот преоден рок.
Се вели дека претседателот на Барселона, Џоан Лапорта, и спортскиот директор Деко треба мирно да ги разгледаат сите понуди што ќе пристигнат за 29-годишниот играч од средниот ред.
Според истиот извор, Каталонците би сакале да соберат околу 60 милиони евра, особено имајќи предвид дека Де Јонг сè уште го привлекува вниманието на некои големи европски клубови.
Евентуалната продажба би отворила дополнителен простор за Барселона за нови засилувања. Парите од трансферот би можеле да се инвестираат во доведување нови играчи и дополнително зајакнување на конкуренцијата во тимот.
Де Јонг пристигна во Барселона во 2019 година од Ајакс, во трансфер вреден вкупно 86 милиони евра со бонуси.
Сепак, во текот на седумте години што ги помина на „Камп Ноу“, тој имаше значителни проблеми со повредите, поради што, според достапните податоци, пропушти вкупно 437 дена.
Foto/ Depositphotos