Баерн Минхен се пласираше во полуфиналето на германскиот ДФБ куп по минималната победа од 1:0 на гости кај Шалке, додека меѓу најдобрите четири ќе биде и четвртолигашот Сарбрикен, кој на пенали успеа да го елиминира тимот на Фортуна Диселдорф. Во другите две четврт-финалиња играат Баер Леверкузен-Унион Берлин и Ајнтрахт Франкфурт-Вердер Бремен.
Голот на Џошуа Кимих во 40. минута беше доволен за Баварците да влезат во полуфиналето на „Велтинс арената“, но многу поинтересно и понеизвесно беше во Сарбрикен, малото градче во близина на француската граница.
Сарбрикен, кој игра во Регионаллига Сидвест, дојде во водство во 31. минута преку Јанике, по што следува неверојатна завршница – во 83. минута е досуден пенал за гостите, но домашниот голман Бац го брани ударот на Хенингс, пред во 90-тата минута бундеслигашот да постигне гол преку Јоргенсен.
Пенал-серијата беше посебна приказна – по 10 серии и 20 упатени удари, Бац го одбрани ударот на Јоргенсен за неверојатен пласман во полуфиналето.
FOURTH TIER SAARBRÜCKEN ARE THE FIRST EVER FOURTH DIVISION SIDE TO MAKE THE DFB POKAL SEMI FINALS IN THE CUP’S HISTORY WHAT THE HELL pic.twitter.com/AjQ1pZsjAk
— ogeiD ?????? (@miasanmunich) March 3, 2020