Анхел ди Марија ќе ја пропушти шансата да стане соиграч на Лионел Меси во Интер Мајами, бидејќи решил да се врати во својот стар клуб, Бенфика ова лето, јавуваат повеќе медиуми.
Ди Марија станува слободен играч на 1 јули по крајот на договорот со Јувентус, и Интер Мајами очекуваше да го убеди да премине на другата страна на Атлантикот, но Ди Марија сака да се врати во Бенфика, каде што играше од 2007 до 2010 година пред да премине во Реал Мадрид.
Тој е сметан за легенда на Бенфика, освојувајќи ја португалската титула во 2009/10, првпат по пет години. Додека Ди Марија останува во Европа, Интер Мајами се надеваат дека ќе ги убедат Жорди Алба и Серхио Бускетс да му се приклучат на Меси.