По освојувањето на Ролан Гарос, производителот на спортска опрема „Хед“ на Новак Ѓоковиќ му подари златен рекет тежок осум килограми.
Сега е објавено и видео во кое може да се види како на српскиот тенисер му бил врачен специјален подарок.
„Сè уште е неверојатно. Сè уште во главите го вртиме филмот од она што го направи Новак. За да го прославиме овој успех и посебен момент на најдобар можен начин, договоривме уметник да создаде златна реплика на рекетот на Новак. Овој трофеј е направен специјално поради новиот рекорд на Новак, од 23. Грен слем титули“, пишува во изданието на компанијата „Хед“.
Новак ќе има шанса да го освои 24. Грен слем на Вимблдон. Турнирот во Лондон е закажан од 3 до 16 јули.