Пауло Дибала ги отфрли коментарите на неговиот брат Густаво за желба за заминување од Јувентус, велејќи дека сака да остане во „старата дама“.
Популарниот „Ла хоја“ е поврзуван со трансфер во Атлетико Мадрид или Манчестер јунајтед подолго време, а шпекулациите се зголемија кога неговиот брат Густаво во Аргентина изјави дека има големи шанси да си замине од Јувентус бидејќи „таму, секако, не е среќен“. Дибала во интервју за „Скај спорт Италија“ вели дека тоа е само негово мислење.
„Мојот брат го кажа своето мислење, а јас имам свое. Зборував со спортскиот директор Фабио Паратичи и тој знае што размислувам и дека сакам да останам во Јувентус. Тоа не зависи само од мене, бидејќи клубот ќе направи план според новиот тренер, но јас сакам да останам. Најважното е да се победува, иако навивачите сакаат и напаѓачки фудбал. Имам огромна почит кон дресот кој го носам, така што нема да зборувам за други клубови“, вели Дибала.
? Dybala: “I want to continue at Juventus next year, I’m happy here.” [Sky]pic.twitter.com/EnWNhV9x8i
— Adriano Del Monte (@adriandelmonte) May 24, 2019