Позицијата на Роналд Куман како тренер на Барселона останува критична, откако на гостувањето во мадридското предградие загубија со 1:0 од Рајо Валјекано благодарение на колумбискиот ветеран Радамел Фалкао, но и на македонскиот репрезентативен голман, Столе Димтириевски, чија мрежа мируваше откако го одбрани пеналот на Мемфис Депај во 76. минута од мечот.
Рајо дојде во водство преку Радамел Фалкао, откако по грешка во средината на теренот, во 30. минута тој успеа да го надитри Жерард Пике и да го матира Марк-Андре Тер Штеген. Во второто полувреме, Барселона беше подобра, но не успеаја да дојдат до голот, пред во 76. минута да биде досуден пенал за гостите. Димитриевски го „прочита“ Депај и му го одбрани пеналот, по што го спречи и неговиот втор обид одбиената топка да ја смести во голот.
Резултатот го крева Рајо на петтото место на табелата со 19 поени, додека Барселона е само деветта со 16 поени.
❌ PENAL ATAJADO ?
? Dimitrievski (RV) a Depay (B)
Rayo Vallecano 1️⃣?0️⃣ Barcelona#LaLiga ?? ?pic.twitter.com/0Dq04XzrkP— ElForasteroDeportivo (@ElForadeportivo) October 27, 2021
Графика: Sofascore за Топспорт.мк
ЛА ЛИГА, 11.КОЛО
Рајо Валјекано – Барселона 1:0
Мајорка – Севилја 1:1